فلكلور شعبى

أمثال شعبية متداولة نسمعها ونقولها كل يوم دون معرفة المناسبة التى قيلت فيها أو متى قيلت .

ومن خلال هذا الجزء سوف نعرض مثل من هذه الأمثال ونقدم لكم .

مع خالص حب ومودة الشعب المصرى , على مدى تاريخه الطويل , الممتد من العصر الفرعونى و!لى الآن .

أو كما اسميه النهر تحت النهر .

فهذه الأمثال نعيشها كل يوم دون معرفة جذورها الحقيقية .

وسلام لخيال الجماعة الشعبية .

الثلاثاء، 30 مارس 2010

بخت أمى خدته فى كمى

دخلت خالتى بمبه من الباب وى فى غاية الأستغراب والدهشة , وعندما جلست عند أقرب كرسى فى الصالة , أدارت قرص التليفون وطلبت صديقتها وداد وأخذت تحدثها :
اسكتى ماقلتلكيش الصبح رحت مع الست هدى جارتنا نزور بنتها ناهد اللى أجوزت من كام يوم , وعايشة مع أهل جوزها فى بيت واحد .
رحنا يا حبيبتى لقينا البت وشها قد اللقمة يا قلب أمها ووشها أصفر وزى اللمونه .
امها سألتها : مالك ياناهد , مالك ياقلب أمك ؟
البت سهمت وسكتت.
رحت أنا وحياتك خدت البت على جنب , واقعدت أقررها .
عرفت أنها حامل , وشقيانة فى الشغل طول النهار وبترجع مهدود حيلها , وحماتها قاعدة طول الليل والنهار أوامر اتى ودى أعملى .
البت تعبت .
وبعدين بكت وقالت شفتى يا خالتى بمبه : بخت أمى خدته فى كمى .
كنت فاكرة أنى هرتاح , طلع تعب برة وجوة .
وحياتك مسكت البت وخدتها فى حضنى وقلت لها : يا حبيبتى كلنا كده , أنت فاكرة أنه فى راحة .
مسحت البت دموعها وقامت عملت لنا شاى .
**************************************************************
مرسلة بواسطة في

هناك تعليق واحد:

  1. شهرزاد المصرية4 مايو 2011 في 4:29 ص

    أين خالتك بمبة يا أستاذة صفاء
    أشتقت لأمثالها كثيرا
    و هذا المثل لم أكن أعرفه
    أرجو أن يكون المانع خيرا

    تحياتى لك

    ردحذف

الاشتراك في: تعليقات الرسالة (Atom)